تیرے وانگوں طعنے دل تے لگدے نیں

تیرے وانگوں طعنے دل تے لگدے نیں
نین اساڈے روون توں ناں رجدے نیں

دُکھاں دے جو سانجھی سجن اوہ ہوندے
بِھیڑ پوے تاں بوہتے راہے چھڈ دے نیں

آس کی رکھنی جھلیا اونہاں بدلاں تے
وسن توں پہلاں ای جیہڑے گجدے نیں

آقا جے گھر ہووے ہو کوئی ساک بِھرا
گھر غریب دے سکھنے بھانڈے بھجدے نیں

ستھرے ماس شکار سی کیتے شیراں نیں
گِدڑ بلے لومٹر کھا کھا رجدے نیں

دل وچ رجیا پیار نہ ہووے بندیاں نال
کہیاں حج زکواتاں نیں کیہ سجدے نیں

شرم حیا دی چادر جنہاں لاہ چھڈی
سہرے اونہاں چہریاں تے نہ پھبدے نیں

مندا چنگا ہر توں لُک کے کیتی جا
لوکی شوکت تیرے عیب نہ کجدے نیں