ٹُردا ٹُردا ہُٹ نئیں سکدا

ٹُردا ٹُردا ہُٹ نئیں سکدا
ٹہنی وانگ ترٹ نئیں سکدا

پورا ہاں، پورا ہی رہسوں
تیرے آکھے کُھٹ نئیں سکدا

تیری جنت تینوں سوگھی
میں جے موجاں لُٹ نئیں سکدا

منیا، میں بردا آں تیرا
پر میں پیر تے گُھٹ نئیں سکدا

بھانویں میں منّاں نہ منّاں
اپنی قید توں چُھٹ نئیں سکدا

میں مچھی دی اکھ ویہدا آں
میرا تیر اچُٹ نئیں سکدا

چنگا آں یا مندا ہاں میں
بھیڑے کم نوں جُٹ نئیں سکدا

سوٹی مار کے ویکھ لے ساجد
میں پانی آں، پُھٹ نئیں سکدا

غلام حسین ساجد دی ہور شاعری

• ⟩  اک بے ہِمتا
• ⟩  اکھ لائے دی چَس ناں جاندی
• ⟩  بھار دُکھاں دا ڈھوئی جانا ایں
• ⟩  راوی سُکن مگروں
• ⟩  عشق کدے وی ہو سکدا اے
• ⟩  مٹی دے نال مٹی ہوئیے، پانی اندر پانی
• ⟩  مٹی شیشہ بن سکدی اے، پانی اگ دا بُوٹا
• ⟩  ٹُردا ٹُردا ہُٹ نئیں سکدا
• ⟩  پباں بار کھلوتی اک پیاری نوں
• ⟩  چیتر چڑھدا تے ول لیندی مِٹھی مِٹھی کس اسانوں
• ⟩  غلام حسین ساجد دی ساری شاعری