ہر در چُپ کھڑی

ہر در چُپ کھڑی
سُنا ہر اک ویڑھا
ہر در چُپ کھڑی
ہُن لنگھاں در کیہڑا
ہر در چُپ کھڑی

ہر اک نظراں
نیویاں ہو کے لنگھدیاں
خیر ایکتا کڈھ کے
ترلے منگدیاں
اُڈ گیا کدھرے کھیڑا؟
ہر در چُپ کھڑی

ٹھنڈے ساہواں تائیں
اگنی بھبے ناں
ٹھنڈا بُلاپون دا
کتیوں لبھے ناں
نام ایہہ رُت دا کیہڑا
ہر در چُپ کھڑی

بجھے بنیریں دیوے
گُھپ ہنیرا اے
چانن دا تے کدھرے
ہور بسیرا اے
کُوڑ دا تھاں تھاں گیڑا
ہر در چُپ کھڑی

اک دن تاں ساہ کٹھے
اک مِک ہوون گے
داغ ہنیرے دا
چانن سنگ دھوون گے
پار لگے گا بیڑا
ہر در چُپ کھڑی