حوصلہ

ماں دا مکھڑا اے سوہنا بڑا خوش نما
جس توں راضی اے ماں اس توں راضی خدا

لکھاں دنیا چ آئے پیغمبر ولی
ماں دی تعظیم کردے رھے بے بہا

ماں ھے رحمت دی چھاں ساری اولاد لئی
ماں دے قدماں چوں جنت دی آوے ہوا

خیراں ہر ویلے منگدی ھے اولاد لئی
فرض اولاد تے بدلہ احسان دا

ماں توں دوری نصیباں نوں ھے رول دی
داری ماں دی ہوئ فرض ہویا ادا

کھوٹے سکّے نوں کوئ وی لیندا نہیں
ماں نے لڑ لا لیا ایہہ بڑا حوصلہ

عیبیاں کولوں ھر کوئی نس دا پرے
واہ نی مائیں لئے عیب سارے لکا

بھریا چکڑ دا آیا لوائی جدوں
سینے لایا سی ممتا نوں جوش آ گیا