اتھرو بِھجی جد میری تحریر چھپی
اک حسینہ دی اوپر تصویر چھپی
تانڈو ناچ نچاؤندی پھردی بندے نوں،
ہتھاں تے قسمت دی اک لکیر چھپی
بھاویں صدیاں پہلاں اس دی ہیر چھپی،
ہُن تکّ دے ساہت دا بن کے پیر چھپی
جد وی سچے حال اُلیکے جیون دے،
میری عزت ہو کے لیرو لیرو چھپی
لِکھ دِتا جو تَکّیا حال غریباں دا،
دھنواناں نوں رچنا بن کے تیر چھپی
سمجھن گے سبھ شعراں دی ڈونگھائی نوں،
تیری رام کہانی جس دن میر چھپی
دکھاں، سکھاں، ہجر ملاپاں سبھ دی نور ،
یاداں دے اکھر بن کے تصویر چھپی
