زاہد جرپالوی

زاہد جرپالوی لہور دے شعری منظر نامے تے تیزی نال اگے ودھن والے اک عمدہ شاعر نے۔ جو بہت کم عرصے وچ دیکھدیاں ویکھدیاں اپنے آل دوالے دے وڈے ناواں وچ ہوگئے نیں تے اونی ہی تیزی نال پڑھن والیاں دے دلاں وچ اپنی تھاں بنا رہے نے۔ زاہد جرپالوی دی حیاتی اک سیلف میڈ انسان وانگوں جدوجہد وچ گزری، چنگے مندے ویلے نوں اپنی پھلاں ورگی مسکان نال لنگھان والا ایہ شاعر اپنی نظم تے غزل وچ کھڑدا نظریں پیندا اے۔ شاعری وچ اپنی ذات توں علاوہ سیاسی سماجی تے عالمی منظر نامے اُتے نظم لکھن والا زاہد نظلم تے غزل راہیں اکو جیسے سبھا نال اپنا ٹورا اگے ودھا رہیا اے۔ اوہناں دی کتاباں وچ یاداں ماتم کیتے، خواب جیون دے اتے پوہ وچ پوے پھوہار شامل نیں۔