گھریلو چیزاں

اینی کُو مِٹی
سارے اندر لِپی

اک اجیہی کُڑی
اوہ لے پراندہ تُری

ہتھ لایاں اوہ میلا ہووے
منہ لایاں اوہ ہسے

کالا کُتا
کندھ نال سُتا

دن وِچّ سووے رات نوں رووے
جنا رووے اونا ہی کھووے

چُپ چپیتی رہ نہیں سکدی کر دی رہندی شور
چوّی گھنٹے چر دی رہندی، فیر وی کہندی ہور

سیّو نی اک جوگی ڈِٹھا، رنگ بھبوت رماوے
جیہڑا اوہدے اگے آوے، اوہدی شکل بناوے

باہروں آندی وڈھ کے
گھر آندی چھل کے
تھاں رکھے مل کے

پاروں آیا بابا دھناں
آپ چھوٹا تے داہڑ الماں

توں چل میں آیا
ہر گھر دی اوہ مایا

تِن چھوٹے دو وڈے منار
دو پھٹ گُھمن ایہدے وِچکار
پِچھوں کلا مروڑے
تاں اگوں کڈھن تار

تھڑے اُتے تھڑا
لال کبوتر کھڑا

چار اِٹے چار بٹے چار سُرمے دانیاں
کاریگر مر گئے رہ گئیاں نشانیاں

چھپڑی سُک گئی ٹیٹو مر گئی
دیکھو لوکو ایہہ کیہ کر گئی

کالا کھوتا بنھ کھلوتا
سائیں آیا تے لہہ کھلوتا

کالا چھنب
اوہدے دو کن

کول پُھل ، کول پُھل ، کول پُھل وچارہ
کسے کول ادھا کسے کول سارا
کسے کول ہے وی نا لیکھاں مارا

کوئلیاں دی بوری ، اوہدے وِچ مدھانی
جیہڑا اوہدا مکھن کھاوے
اوہدیاں اکھاں چ پانی

گھر گھر چِھتراں دی مار

گھر و گھری آندراں دے ڈھیر
ولیواں پا کے لیندے گھیر

گوری گاں، گلابی وچھا
چھیڑاں مارے تڑاوے رسا

لُنڈا چِڑا پہاڑیں بولے
ان نہ کھائے پانی تولے

لک بدھا سپاہی، ویڑھے پھر گیا
ککھ، کانے، پتر ہر شے ریڑھ گیا

مٹی دا گھوڑا لوہے دی پرات
چوڑا ہو کے اُتے بیٹھا گھبرُو جاٹ

موڈھے تے سلاری
کدے ہولی کدے بھاری

نِکا جیہا کاکا
بُوہے دا راکھا

نِکی جیہی کُڑی
اوہدے ڈِھڈ وچ لکیر

واہ وا ربا تیرا بھانا
اُپر بو دی تھلے بانا