ਦੁਨੀਆ ਉੱਤੋਂ ਫ਼ਨ ਦੇ ਸੂਮੇ ਸੁੱਕ ਗਏ ਨੇਂ
ਕਿਹੜਾ ਆ ਕੇ ਰੰਗ ਭਰੇ ਤਸਵੀਰਾਂ ਵਿਚ
ਚਿੱਟੇ ਵਰਕੇ ਕਾਲੇ ਹੁੰਦੇ ਜਾਂਦੇ ਨੇਂ
ਖ਼ੌਰੇ ਕਿਉਂ ਨਹੀਂ ਅਸਰ ਰਿਹਾ ਤਹਿਰੀਰਾਂ ਵਿਚ
ਮਿੰਬਰਾਂ ਉੱਤੋਂ ਰੋਜ਼ ਈ ਰੌਲ਼ਾ ਪੈਂਦਾ ਏ
ਕੋਈ ਸੁਆਦ ਰਿਹਾ ਨਹੀਂ ਹੁਣ ਤਕਰੀਰਾਂ ਵਿਚ
ਹੁੰਦੇ ਜਾਂਦੇ ਦੂਰ ਨੇਂ ਬੰਦੇ ਬੰਦਿਆਂ ਤੋਂ
ਮਹਿਰ ਵਫ਼ਾ ਦਾ ਘਾਟਾ ਏ ਤਦਬੀਰਾਂ ਵਿਚ
ਛੱਡ ਦਿੱਤੇ ਨੇਂ ਸੁਫ਼ਨੇ ਤਕਨੇ ਰਾਜੇ ਨੇ
ਕੋਈ ਵੀ ਗੱਲ ਨਹੀਂ ਲੱਭਦੀ ਹੁਣ ਤਾਅਬੀਰਾਂ ਵਿਚ
ਹਵਾਲਾ: ਮੈਂ ਤਿੰਨ ਦਰਦ ਔਲੇ, ਰਾਜਾ ਰਸਾਲੂ; ਸਾਂਝ ਲਾਹੌਰ; ਸਫ਼ਾ 86 ( ਹਵਾਲਾ ਵੇਖੋ )
