ਦਿਲ ਦੇ ਜਾਲ਼ ਉੱਚ ਆ ਸਕਣੀ ਆਂ

ਦਿਲ ਦੇ ਜਾਲ਼ ਉੱਚ ਆ ਸਕਣੀ ਆਂ
ਅਕਲ ਦੇ ਹੋਸ਼ ਅੜਾ ਸਕਣੀ ਆਂ

ਜੇ ਮੈਂ ਚਾਹਵਾਂ ਉਂਗਲੀ ਉੱਤੇ
ਸਾਰਾ ਸ਼ਹਿਰ ਨਚਾ ਸਕਣੀ ਆਂ

ਵਹਿਮ ਹੈ ਤੇਰਾ, ਤੇਰੀ ਖ਼ਾਤਿਰ
ਸਾਰੀ ਉਮਰ ਲੰਘਾ ਸਕਣੀ ਆਂ

ਜ਼ਿਹਨ ਚਿ ਰੱਖੀਂ ਤੇਰੇ ਨਾਲੋਂ
ਬਹੁਤਾ ਰੌਲ਼ਾ ਪਾ ਸਕਣੀ ਆਂ

ਗੱਲਾਂ ਵਿਚ ਵਲ਼ਾ ਕੇ ਉਸ ਨੂੰ
ਜੰਨਤ ਚੋਂ ਕਢਵਾ ਸਕਣੀ ਆਂ

ਬੁਸ਼ਰਾ ਮੈਨੂੰ ਲਗਦਾ ਸੀ ਮੈਂ
ਰੱਬ ਨਾਲ਼ ਆਹਡਾ ਲਾ ਸਕਣੀ ਆਂ

ਬੁਸ਼ਰਾ ਨਾਜ਼ ਦੀ ਹੋਰ ਕਵਿਤਾ

• ⟩  ਦੁੱਖਾਂ ਦੀ ਹੜਤਾਲ਼ ਏ ਅੱਜ ਕੱਲ੍ਹ ਹੈਰਤ ਹੈ
• ⟩  ਨਾ ਛੱਡ, ਰੋ ਰੋ ਅਰਜ਼ੀ ਕੀਤੀ
• ⟩  ਰੋੜ ਗ਼ਮਾਂ ਦੇ ਅੱਖ ਵਿਚ ਪੈਹਿਨੇ ਪੈਂਦੇ ਨੇਂ
• ⟩  ਵਿਹੜੇ ਦੇ ਵਿਚ ਇਕ ਦਿਨ ਆਇਆ ਸੰਗਦਾ ਸੰਗਦਾ ਇਸ਼ਕ
• ⟩  ਸਾਹ ਸਾਹ ਹਿਜਰ ਹੰਢਾਇਆ ਜਾਂਦਾ
• ⟩  ਬੁਸ਼ਰਾ ਨਾਜ਼ ਦੀ ਸਾਰੀ ਕਵਿਤਾ