ਮੁਸ਼ਤਾਕ ਅਹਿਮਦ ਕਸ਼ਫ਼ੀ

ਟੋਬਾ ਟੇਕ ਸਿੰਘ ਦੇ ਪਿੰਡ 328 ਜੀਮ-ਬੇ ਵਿਚ ਜਨਮੇ ਪੰਜਾਬੀ ਦੇ ਪਰਸਿਧ ਸ਼ਾਇਰ ਮੁਸ਼ਤਾਕ ਅਹਿਮਦ ਕਸ਼ਫ਼ੀ ਇਕ ਘੱਟ ਆਮਦਨੀ ਵਾਲੇ ਪਰਿਵਾਰ ਵਿਚ ਪੈਦਾ ਹੋਏ, ਅਤੇ ਉਨ੍ਹਾਂ ਦੇ ਵਾਲਿਦ ਇਕ ਲੋਹਾਰ ਦਾ ਕੰਮ ਕਰਦੇ ਸਨ। ਕਸ਼ਫ਼ੀ1982 ਤੋਂ ਮਜ਼ਦੂਰਾਂ ਤੇ ਕਿਸਾਨਾਂ ਦੇ ਹੱਕ ਲਈ ਆਵਾਜ਼ ਉੱਠਾ ਰਹੇ ਨੇ। ਉਨ੍ਹਾਂ ਕਿਸਾਨਾਂ ਦੇ ਹੱਕ ਲਈ ਬਹੁਤ ਸਾਰੇ ਸਮਾਗਮਾਂ ਅਤੇ ਕਾਨਫ਼ਰੰਸਾਂ ਵਿਚ ਹਸਾ ਲਿਆ ਹੈ। ਆਪਣੀ ਸ਼ਾਇਰੀ ਵਿਚ ਉਹ ਸਮਾਜਿਕ ਨਿਆਂ ਅਤੇ ਸਮਾਜ ਵਿਚ ਅਸਮਾਨਤਾ ਦੇ ਮੁੱਦਿਆਂ ਦੀ ਗੱਲ ਕਰਦੇ ਨੇ। ਕਸ਼ਫ਼ੀ ਦੀ ਸ਼ਾਇਰੀ ਸਮਾਜ ਨੂੰ ਬਿਹਤਰ ਬਣਾਉਣ ਬਾਰੇ ਹੈ। ਉਹ 2008 ਤੋਂ NGO "ਸੰਗਤ" ਨਾਲ਼ ਜੁੜੇ ਹੋਏ ਹਨ, ਅਤੇ ਉਨ੍ਹਾਂ ਦੀ ਸ਼ਾਇਰੀ ਵਿਚ ਨਿਰਪੱਖਤਾ ਅਤੇ ਸਮਾਨਤਾ ਲਈ ਇਕ ਮਜ਼ਬੂਤ ​​ਪੈਗ਼ਾਮ ਮਿਲਦਾ ਹੈ। ਉਨ੍ਹਾਂ ਦੇ ਸ਼ਬਦ ਇਕ ਅਜਿਹੀ ਦੁਨੀਆਂ ਦੀ ਗੱਲ ਕਰਦੇ ਹਨ ਜਿਥੇ ਸਭ ਬਰਾਬਰ ਹੋਵਣ।