ਸਾਰਾ ਸ਼ਗਫ਼ਤਾ

ਸਾਰਾ ਸ਼ਗੁਫਤਾ ਦਾ ਜਨਮ 31 ਅਕਤੂਬਰ 1954 ਨੂੰ ਪਾਕਿਸਤਾਨ ਦੇ ਗੁਜਰਾਂਵਾਲਾ ਵਿੱਚ ਇੱਕ ਘੱਟ ਆਮਦਨੀ ਵਾਲੇ ਪਰਿਵਾਰ ਵਿੱਚ ਹੋਇਆ ਸੀ | ਉਹਨਾਂ ਦੇ ਪਿਤਾ ਨੇ ਦੁਬਾਰਾ ਵਿਆਹ ਕਰਵਾ ਲਿਆ, ਉਹਨਾਂ ਦੀ ਮਾਂ ਨੂੰ ਉਸਦੀ ਅਤੇ ਉਸਦੇ ਭੈਣ-ਭਰਾਵਾਂ ਦੀ ਦੇਖਭਾਲ ਲਈ ਛੱਡ ਦਿੱਤਾ ਸੀ। ਉਹਨਾਂ ਦੀ ਮਾਂ ਨੇ ਫੁੱਲਾਂ ਦੇ ਹਾਰ ਬਣਾਉਣ ਵਰਗੇ ਘਰੇਲੂ ਕੰਮ ਕਰਕੇ ਆਪਣਾ ਗੁਜ਼ਾਰਾ ਕੀਤਾ। ਸਾਰਾ ਦੀਆਂ ਚਿੱਠੀਆਂ ਉਨ੍ਹਾਂ ਔਕੜਾਂ ਦੀ ਝਲਕ ਪੇਸ਼ ਕਰਦੀਆਂ ਹਨ ਜਿਨ੍ਹਾਂ ਦਾ ਉਹ ਅਤੇ ਉਹਨਾਂ ਦੇ ਪਰਿਵਾਰ ਨੇ ਸਾਹਮਣਾ ਕੀਤਾ | ਉਨ੍ਹਾਂ ਨੂੰ ਆਰਥਿਕ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪਿਆ, ਜਿਸ ਕਾਰਨ ਕਈ ਵਾਰ ਉਹ ਭੁੱਖੇ ਰਹਿੰਦੇ ਸਨ। ਇੱਕ ਅਨਪੜ੍ਹ ਅਤੇ ਗਰੀਬ ਪਰਿਵਾਰ ਤੋਂ ਹੋਣ ਦੇ ਬਾਵਜੂਦ, ਉਸਨੇ ਸਮਾਜਿਕ ਤੌਰ 'ਤੇ ਉਭਰਨ ਦੀ ਇੱਛਾ ਰੱਖੀ ਪਰ ਉਹ ਦਸਵੀਂ ਪਾਸ ਨਹੀਂ ਕਰ ਸਕੀ। ਉਹਨਾਂ ਨੂੰ 17 ਸਾਲ ਦੀ ਉਮਰ ਵਿੱਚ ਵਿਆਹ ਲਈ ਮਜਬੂਰ ਕੀਤਾ ਗਿਆ ਸੀ ਅਤੇ ਉਸ ਦੇ ਪਤੀ ਨਾਲ ਇੱਕ ਬੱਚਾ ਸੀ, ਜੋ ਜਨਮ ਤੋਂ ਥੋੜ੍ਹੀ ਦੇਰ ਬਾਅਦ ਹੀ ਫ਼਼ੋਤ ਹੋ ਗਿਆ। ਸਾਰਾ ਨੂੰ ਬੱਚੇ ਦੀ ਮੌਤ ਲਈ ਜ਼ਿੰਮੇਵਾਰ ਠਹਿਰਾਇਆ ਗਿਆ, ਜਿਸ ਕਾਰਨ ਉਹਨਾਂ ਦੀ ਆਪਣੇ ਪਤੀ ਤੋਂ ਤਲਾਕ ਹੋ ਗਈ। ਉਸ ਤੋਂ ਬਾਅਦ ਉਹਨਾਂ ਨੇ ਤਿੰਨ ਹੋਰ ਵਿਆਹ ਕਰਵਾਏ, ਪਰ ਉਹ ਸਾਰੇ ਅਸਫਲ ਰਹੇ। ਉਹਨਾਂ ਨੇ ਆਪਣੇ ਜੀਵਨ ਵਿੱਚ ਬਹੁਤ ਸਾਰੇ ਦੁੱਖ ਝੱਲੇ, ਬਚਪਨ ਵਿੱਚ ਉਹਨਾਂ ਦੇ ਪਿਤਾ ਦੁਆਰਾ ਜਜ਼ਬਾਤੀ ਅਤੇ ਜਿਨਸੀ ਸ਼ੋਸ਼ਣ, ਚਾਰ ਪਤੀਆਂ ਦੁਆਰਾ ਤਲਾਕ, ਉਸਦੇ ਬੱਚਿਆਂ ਦਾ ਛੱਡ ਜਾਣਾ। ਸਾਰਾ ਨੇ ਜਿਨ੍ਹਾਂ ਰੁਕਾਵਟਾਂ ਦਾ ਸਾਹਮਣਾ ਕੀਤਾ, ਉਸ ਦੇ ਨਤੀਜੇ ਵਜੋਂ ਉਹਨਾਂ ਨੇ ਮਾਨਸਿਕ ਬਿਮਾਰੀਆਂ ਦਾ ਵਿਕਾਸ ਕੀਤਾ। ਉਹਨਾਂ ਦੀ ਹਾਲਤ ਖਰਾਬ ਹੋਣ ਕਾਰਨ ਉਸ ਨੂੰ ਮਾਨਸਿਕ ਹਸਪਤਾਲ 'ਚ ਦਾਖਿਲ ਕਰਵਾਇਆ ਗਿਆ। ਉਹਨਾਂ ਨੇ ਇੱਕ ਵਾਰ ਖੁਦਕੁਸ਼ੀ ਦੀ ਕੋਸ਼ਿਸ਼ ਕੀਤੀ, ਪਰ ਬਚ ਗਈ। ਹਾਲਾਂਕਿ, 4 ਜੂਨ, 1984 ਨੂੰ ਰਾਤ 11 ਵਜੇ ਦੇ ਕਰੀਬ, ਉਹਨਾਂ ਨੇ 29 ਸਾਲ ਦੀ ਛੋਟੀ ਉਮਰ ਵਿੱਚ ਆਪਣੀ ਜਾਨ ਲੈ ਲਈ।