ਵਾਅਦੇ ਪੂਰੇ ਕਰ ਨਈਂ ਜਾਂਦਾ

ਵਾਅਦੇ ਪੂਰੇ ਕਰ ਨਈਂ ਜਾਂਦਾ
ਸੋਚ ਰਹਿਆਂ ਕਿਉਂ ਮਰ ਨਈਂ ਜਾਂਦਾ

ਜਿਸ ਦਿਨ ਨਾ ਮਜ਼ਦੂਰੀ ਲੱਭੇ
ਬੂਹੇ ਵੱਲੋਂ ਘਰ ਨਈਂ ਜਾਂਦਾ

ਕਾਂਵਾਂ ਤੱਕ ਨੂੰ ਜ਼ਾਤ ਪਿਆਰੀ
ਬੰਦਾ ਸੁਣ ਕੇ ਮਰ ਨਈਂ ਜਾਂਦਾ

ਮੇਰਾ ਸੀਨਾ ਦਮ ਕਰਵਾਓ
ਮੇਰੇ ਅੰਦਰੋਂ ਡਰ ਨਈਂ ਜਾਂਦਾ

ਸਿਰ ਸਾਹਵਾਂ ਦੀ ਪੰਡ ਨਈਂ ਹੁੰਦੀ
ਮੁਰਦਾ ਐਵੇਂ ਤਰ ਨਈਂ ਜਾਂਦਾ

ਇੰਜ ਕਲੀਮ ਨੇ ਨੀਵੀਂ ਸੁੱਟੀ
ਜਿਸਰਾਂ ਬੰਦਾ ਹਰ ਨਈਂ ਜਾਂਦਾ

ਤਜੱਮਲ ਕਲੀਮ ਦੀ ਹੋਰ ਕਵਿਤਾ

• ⟩  ਅੱਗੇ ਰੋਗ ਉਲੱਦੀ ਬੈਠਾਂ
• ⟩  ਇਸ ਲਈ ਉੜਿਆ ਰੰਗ ਸੀ ਖ਼ੋਰੇ
• ⟩  ਏਨੇ ਸੋਹਣੇ ਨੈਣ ਕਿਸੇ ਦੇ
• ⟩  ਕਮਾਲ ਕਰਦੇ ਹੋ ਬਾਦਸ਼ਾਹੋ
• ⟩  ਕਿਹੜਾ ਹੱਥ ਨਹੀਂ ਜਰਦਾ ਮੈਂ
• ⟩  ਕੁੱਖ ਦੀ ਕੈਦੋਂ ਛੁੱਟ ਕੇ ਰੋਇਆ
• ⟩  ਜਿਹੜਾ ਵਿਹਰ ਖਲੋਤਾ ਸੀ ਜੱਗ ਅੱਗੇ
• ⟩  ਟਿੱਬਾ ਟੋਇਆ ਇਕ ਬਰਾਬਰ
• ⟩  ਦਿਨ ਤੇ ਗੁਣ ਮੈਂ ਮਰ ਜਾਣਾ ਈ
• ⟩  ਦੁਨੀਆ ਬੰਦ ਪਟਾਰੀ ਵਾਂਗਰ
• ⟩  ਤਜੱਮਲ ਕਲੀਮ ਦੀ ਸਾਰੀ ਕਵਿਤਾ