زہر

دھوں، رولی، مہنگائی، غربت، بے حسی
زہر فضا وچ بھر چھڈیا اے زہراں نے

زہر پیالہ سچ لئی امرت ہوندا اے
سدا بہارے پھل کھڑن زنجیراں تے

زہر توں کوڑے ہوندے گھٹ وچھوڑے دے
پی نئیں ہوندے فیر وی پینے پیندے نیں

زہر پیالے دے وچ امرت گھولاں گا
میں جابر سلطان دے اگے بولاں گا

آب خنجر نوں رہیا میں آکھدا آب حیات
زہر نوں تریاق دی تھاں اپنے مونہہ لاندا رہیا

جیہڑا زہر میں رج کے پیتا
تیرے کولوں چکھ نئیں ہونا

اجّ وی جھوٹھاں دی نگری وچ، لوڑ کسے سقراط دی اے
اجّ وی آپنے ہتھیں پیوے زہر پیالے کوئی تے