اکھراں

اکھ توں اکھر سوچ کے منگیں
دل کھر جانا ای، مُڑ نہ آکھیں

جد وی لکھیا نام محمد، سوچاں روشن ہو گئیاں
اکھر سُتے جاگ پئے، لکھتاں روشن ہو گئیاں

اساں اکھر موتی رولدے اساں در در لاؤندے واج
کوئ لبھے ہیر سیالڑی جیہڑی رنگے اپنڑا داج

تختی دل دی اتےّ لکھے، صورت نقش سجن دے
دھوتے دور نہ ہوندے ہرگز، ڈونگھے اکّھرّ من دے

تیتھوں نئیں اٹھنے ایہہ اکھر ہنجُواں دے
رہن دے توں وڈیا دیوانا چھڈّ پرے

خُش بختاں نے نِگھے نِگھے اکھر لیک لئے
ساڈیاں اکھاں نے برفیلے منظر لیک لئے