ਡਰ

ਖ਼ੌਫ਼ ਦੇ ਜੰਗਲ਼ ਦੇ ਵਿਚ ਦੀਵੇ ਬਲਦੇ ਨਾ
ਜੇ ਸ਼ਾਹਾਂ ਦਾ ਚਲਦਾ ਜ਼ੋਰ ਫ਼ਕੀਰਾਂ ਤੇ

ਤੇਰੇ ਤੋਂ ਨਈਂ ਕਸਮੇ ਰੱਬ ਦੀ ਤੇਰੇ ਤੋਂ
ਡਰ ਲਗਦਾ ਏ ਮੈਨੂੰ ਤੇਰੀਆਂ ਸ਼ੌਕਾਂ ਤੋਂ

ਮੈਨੂੰ ਪੂਰੇ ਦੇਸ ਦੀ ਚਿੰਤਾ, ਉਹਨੂੰ ਖ਼ਤਰਾ ਘਰ ਦਾ ਏ
ਟੋਟੇ ਕਰ ਕੇ ਜਿਹੜਾ ਸ਼ੀਸ਼ਾ ਕੰਧਾਂ ਦੇ ਵਿਚ ਭਰਦਾ ਏ

ਅੱਗੇ ਹਰ ਥਾਂ ਜਾਲ਼
ਕਮਲੀ ਵਾਗਾਂ ਮੋੜ

ਹੁਸਨ ਵਾਲੀ ਗੱਲ ਤੇ ਵੀ
ਹੱਸ ਨਹੀਂ ਸਕਿਆ ਡਰਦਾ ਮੈਂ

ਮਰਨ ਤੋਂ ਡਰਦੇ ਓ ਬਾਦਸ਼ਾਹੋ
ਕਮਾਲ ਕਰਦੇ ਓ ਬਾਦਸ਼ਾਹੋ

ਕਸਰਾਂ ਡਰਦਾ ਘੁਣ ਖਾ ਜਾਂਦਾ ਏ ਨਿੰਦਰ ਨੂੰ
ਤੂੰ ਕੀ ਜਾਨੈਂ ਤੇਰੇ ਘਰ ਜੋ ਬੇਰੀ ਨਈਂ

ਲੜਦੇ ਪੈ ਆਂ ਅਜ਼ਲਾਂ ਤੋਂ
ਅਣਹੋਣੀ ਦਾ ਡਰ ਤੇ ਮੈਂ